Jökul Kæliermar

Jökul kæliermar og kæliskálmar veita staðbundna verkjastillingu á náttúrulegan hátt — án þess álags á líffærin sem oft fylgir verkjalyfjum. Þetta getur skipt miklu máli fyrir þá sem nú þegar taka mikið af lyfjum en glíma samt við verki sem trufla endurhæfingu og styrktaruppbyggingu.

Rannsóknir benda til þess að nokkrar styttri kælingar yfir daginn skili betri árangri en ein löng. Þannig getur þú nýtt verkjastillinguna til að hreyfa þig á meðan áhrifin vara.

Gott er þó að muna að svæðið getur verið tímabundið dofið eftir kælingu. Því er mælt með að bíða í að minnsta kosti 30 mínútur áður en farið er í mikla hreyfingu eða álag.